Judges 21
Benjamin-te’ Zi ding
1Israel mite in Mizpah ah: “Kuamah in i tanute le Benjamin-te i tengsak kei ding hi,” ci-in kiciamna khat a bawl uh hi. a 2 Mipite Bethel f ah pai uh a, nitak dong Pasian mai-ah tu-in kah cihtakin nakpipi in a kap uh hi. 3Amaute in, “TOPA Israel Pasian aw, bang hangin hih thu Israel sungah hong tung ahi hiam? Bang hangin tuni-in Israel panin beh khat kimansuah ding ahi hiam?” ci-in a kap uh hi. 4 A zingciang zingtungin mite in biakna-tau khat dawh uh a, haltum-a biaknate le kilawmtakna- biaknate a a pia uh hi. b 5 Tua ciangin Israel-te in, “Israel behte khempeuh panin TOPA mai-ah kua hong kikhawm lo ahi hiam?” ci-in a dong uh hi. Ahang in, Mizpah ah TOPA mai-a kikhawm lo peuhmah kithat ding hihang, ci-in a lipkhaphuai kiciamna khat a bawl uh hi. c 6 Tu-in Israel-te, a sanggamte uh Benjamin-te hangin a dah uh hi. Amaute in tuni-in Israel panin beh khat cimang a, 7amaute khatpeuh le i tanute kitengsak lo ding, ci-in TOPA tungah lah i kiciam khin hi; a omlaite tungah zi bangci guat ding i hi hiam?” a ci uh hi. 8Tua ciangin, Mizpah a TOPA mai-ah Israel behte kua kikhawm lo ahi hiam?” ci-in a dong uh hi. Amaute in giahphual ah kikhawm in Jabesh Gilead mite khat beek a pai loh lam a phawkkhia uh hi. 9Ahang in, mi a sim uh ciangin Jabesh Gilead mite khat beek tua lai-a a pai loh lam a mu uh hi. d 10 Tua ciangin a kikhawm mipite in gal sim thei mi tul sawm le tulnih lamlahna tawh Jabesh Gilead ah kuansakin, tua lai-a om a nungta peuhmah, numei naupang tawh namsau-in a that khawmsak uh hi. 11Amaute in, “Na hihzia ding uh hih bang ahi hi. Pasal peuhmah le a bit nawn lo numei peuhmah that un,” a ci uh hi. 12Amaute in Jabesh a teng mite lakah pasal tawh a lumkhawm nai lo nungakno zali mu uh a, Canaan gama Shiloh giahphual ah a tonpih uh hi. e 13 Tua ciangin mipite in Rimmon suangpi-a Benjamin-te tungah kilemna a puak uh hi. 14Tua hun ciangin Benjamin-te ciah kik uh a, Jabesh Gilead-a a kihawi numeite a kipia hi. Ahi hangin amaute khempeuh in a tang kim zo kei uh hi. f 15 TOPA in Israel behte kibansam-sak ahi manin Benjamin-te hangin mite a dah uh hi. 16Tuateh mipi upate in, “Benjamin numeite i siatsakna tawh kisai-in a nungta laite zi ding bang i ci guat ding hiam? 17Israel beh a manthan loh nadingin a om lai sun Benjamin-te in luah a neih pelmawh uh kul hi. 18Ei Israel-te lah, ‘Benjamin zi a guan peuhmah in hamsiatna thuak hen,’ ci-a i kiciam nungsang a zi dingun i tanute i pia thei kei hi. 19Ahi hangin en dih un, Bethel leilu-lam, Bethel pan Shechem zuatna lampi nisuahna lampang, Lebonah leitaw-lama om Shiloh ah TOPA kumcin pawi a tung hi,” a ci uh hi. g 20 Tua ciangin Benjamin-te hilh uh a, “Pai-unla lenggui lakah bu-in 21vil un. Lam siim dingin Shiloh nungakte hong paikhiat uh ciangin lenggui huan pan diangkhia-in Shiloh nungakte na zi dingun khatciat man unla Benjamin gamah ciahpih un. 22A pate a sanggampate un ko tungah hong mawhsak uh leh amaute kiangah, “Ko tungah hong migi-in amaute hong huhsak un, bang hang hiam cih leh kote in gal sungin amaute zi ding ka ngah zo kei uh hi; note in zong amaute tawh lungkimin na tensak uh ahiloh nungsang na mawhpeng uh hi,’ ka na ci ding uh hi,” a ci uh hi. h 23 Benjamin-te in tua bangin a hih uh hi. Nungaknote a lam laitakun khat ciat man uh a, a zi dingun a puakhia uh hi. Tua ciangin amau luahna-ah ciah uh a, khuapite lampha-in tua sungah a teng uh hi. i 24 Tua hun laitakin Israel-te in tua mun nusia-in amau behte le bawng’te, amau luahna mun ciatah a ciah uh hi. 25 Tua hun lai-in Israel in kumpi nei lo hi; amau hoihsak bangin a gamta ciat uh hi.
Copyright information for
ZomZIV